أستودعتك الله ياجدة
بسم الله و الحمد لله على كل حال
أول شي ما كنت أتوقع أنه في يوم من الأيام ح يصل الوضع لهذا السووووووء ، لا يوجد مسؤولين أكفاء ، ولا يوجود أمانه في العمل ، قرارات متضاربة ، وبعد هطول أمطار تجاوزت ساعة ونصف يأمر رئيس القطاع الغربي للشركة السعودية للكهرباء بإخلاء المباني ((عن طريق نقل الخبر بين الموظفين طبعاً عشان جهاز الإنذار مو شغال)) دون تحديد الطرق الأمنة او حتى مأوى يلجأ إليه الموظفون.
ثانياً ما كنت أعرف أنه أمناء “بحيرة” جدة بهذا الذكاء بحيث يستغلوا الطرق كـ “أنهار للتنزه” أو “مجرى للسيول” حسب ما شفت بعيني أنه شارع فلسطين “وعاش من سماه” تحول لنهر لا يرحم ولم أتوقع أن تتحول المنطقة المجاورة للسفارة الفرنسية لبحيرة على مد البصر.
رأينا الرجال و النساء وهم يحاولون المشي خلال تلك الأنهار و البحيرات ولطفك يالطيف ، والبعض بقي في سيارته “من غير إراته” ، وأنتعش سوق الشقق المفروشة لأنها الوسيلة الوحيدة للوقاية من جنووووون نهر فلسطين ، وأنا ومجموعة من الرجال و النساء قررنا المشي قبل وصول السيووووول.
من الساعة 12 إلى الساعة 3 و نحن نحاول كغيرنا الذهاب البيت بالسيارة و بعد اللي شفناه كان الحل ((المشي))
الخطة البديلة هي : نمشي من مستشفى سليمان فقيه إلى حي الرحاب ، والطريق حسب التساهييييل
بدأنا المشي قرب الساعة 3 ووصلنا الساعة 6 ونص
3 ساعات ونص شفنا فيها معالم الطبيعة ، شفنا البيوت اللي وسط البحيرات “لأنها غرقت بالكامل” والسيارت اللي ما تشوف منها غير جزء من السقف ، مشينا من مستشفى الدكتور سليمان فقيه شمالاً وكان الطريق “بحر” اتجهنا جنوباً لقينا “بحيرة” فقررنا مواصلت المشي ولأكثر من نصف ساعة خلالها إلى أن وصلنا قرب مبنى التأمينات الإجتماعية وبعدها مشي مستمر إلى شارع التحلية منه شرقاً إلى حي الرحاب.
كنت مضطر أن “أكذب” على اهلي وأقول “انا في اجتماع” بس كيف صدقوا الله أعلم.
طيب ممكن أحد يعطينا فائدة واحدة من الجهات الخاصة بالأرصاد الجوية؟؟؟
قالوا في أمطار ، وقالوا حتكون قويييييية ، وقالوا وقالوا ، طيب وبعدين ، الطلاب في المدارس والجامعات ، الموظفين كل واحد في مكتبه ، ولا في شي أختلف غير أنه المسؤولين كل واحد في بيته ، وهذه المصييييييبة.
وللمعلومية بان مواقع أحوال الطقس تتوقع استمرار هطول الأمطار ليومي السبت والأحد القادمين ولا حياة لمن تنادي..
وهذه 3 صور “لا تعكس أبداً “ الدمار الحاصل لأن الواقع أبشع من هذا
ويالطيف ألطف
لآ حول ولا قوة الا بالله العلي العظيم ~
سيدنا عمر بن الخطّآب رضي الله عنه يقول : لو أن بغلة عثرت في العراق لخشيتُ أن يسألني الله عنها لمَ لَمْ أسوّي الطريق لها
واللي هنآ نآيمين في العسل :@
الحمدلله على سلآمتكم يآ سيد
اول شئ الحمدلله ع سلامتك يالغآلي
والله مدري ايش اقول ع جدة وايش اخلي صرآآحة شئ يفوووق عقلي وعقل اي احد شئ ماكنت متصوره اشوفه في يوم من الايآم
لكن مهمآ تكلممنآ برضه لا حيآة لمن تنآدي من العآآم الي راح والنآس تتكلم لكن ماشفنآ الا شئ اسوأ ..!!
اهم شئ الحمدلله ع سلااااااااااااااااااامتك
الله يكافىْ الي كان السبب في غربلة كيان جدة والله ماتستاهل جدة واهل جدة الله يعينكم ويقويكم
والادهي والامر ياهاشم انو اغلب فرع الشركه عندنا غرقت والسيول دخلت المكاتب الله يجعله امطار خير وبركة وهذي حكمه من حكم رب العباد كيف يغير الحال الي حال والله يرحم الموتي ويسكنهم فسيح جناته.
@محمد عبيدالله العطاس
الله يسلمك ياسيد محمد
@semoo
سيمو للمعلومية جدة تحتضر وقاعد أفكر أني أكمل دراستي في السودان لعلها أرحم من جدة..
@العمده ابو علي
الله ياخذ اللي كان السبب..
الحمدلله على سلامتك يا سيد ^^
حسبي الله ونعم الوكيل بجد الحال يرثى لهاا ..
كنت اتوقع انو العالم المسؤله هنا اتعظت من اللي سار العالم الماضي .. لكن لاحياة لمن تنادي
للاسف .. عمرو الشبعان ما بيحس بالناس الجيعانه ولا المدفيء بيشعر بالعالم البردانه ..
ربنا يمهل ولا يهمل .. وما يضرب بعصا سبحانه .. والجزاء من جنس العمل ..
لمن شفت الجرايد والصور عمري ما توقعت يو صل الدمار لهذا الحد .. فاكيد الواقع ادهى وامر ..
حسبي الله ونعم الوكيل هو الاعظم والاكبر سبحانه ..
وباي باي يا جده ..
الحمدلله على سلآماتكم ياسيد ..
والله يكون في عونكم .. وعون اهل جده ..
الحمدلله على السلامة ..
انا ماحعلق .. الصور آبلغ من التعبير
حبيبي هاشم الحمد لله انك رجعت سالم معافي … يستاهل الحمد
حسبنا الله ونعم الوكيل
المهم الآن رد الفعل .. حصل ما حصل و ما خفي كان أعظم ولكن ما العمل ؟!!!
هل نكتفي بالكتابات والصور والأفلام ؟!!
لازم يوصل الصوت بفصل جميع موظفي البلدية (الكبار) و توظيف أناس لها ذمة وتخاف ربها و الأهم من هذا وجود قسم أو قل فرع كامل مختص بالجودة
Quality Assurance
لعل الوضع يتعدل وينصل الحال
الله يحفظكم ويحميكم
الحمد لله على سلامتك أول شي وأهم شي ، وكويس ما طحت في أي حفرة من الحفر الجهنمية المنتشرة في كل شارع ومثل هذه المناظر خلاص صارت مألوفة لدى سكان جده
شفنا وعشنا منها كثير السنة الماضية ومحلك سر يا جده ، أمانة جده أضاعت الأمانة الله يضيعهم يارب في الدنيا والآخرة
@Abo0ore ats
المصيبة إننا ما نقدر نعيش برّا جدة
تشرفت بمرورك
@صالح عبيدالله العطاس
الله يسلمك ياسيد صالح والله يكون في عون الجميع يااارب
@أبو تالين
الله يسلمك أبو تالين
العمل إنه كل واحد يقعد مكانه ويسكت ، هذا الحاصل.
وللمعلومية أنه في قسم خاص بالجودة في أمانة جدة للأسف ليس له أي دور في العمل..
والمصيبة العقار في تصاااااعد مستمر.!!!
@أحمد المشهور
الله يسلمك ياحبيب أحمد
وصدقني سار الغريب أنه نمشي كم متر وما نطيح في أي حفرة ، مانقول غير حسبنا الله و نعم الوكيل.
أي أمانة ياحبيبي ، هذه اسمها ((خيانة جدة)) ، وياريت لو يتعلموا من أمانة المدن في المنطقة الشرقية.
حسبي الله ونعم الوكيل بكل من كان له يد بالنكبه الي صارت المفروض يكون فيه استعدادات لكل شي مو بس تحذيرات ويش فادة التحذيرات ياعالم الناس محتجزين لهم يومين بدون مؤونه ولا كهربا طالبات في مدارس وجامعات وكليات موظفين في مكاتبهم محتجزين وماحد داري عنهم اذا ماماتو غرق بيموتو من انقطاع المؤونه عليهم لا اكل ولا مويا ولا شي غير الكهربا وين فرق الانقاذ المفروض تكون فيها فرق احتياطيه تحسبا لحالات الطوارئ وين الامانه وين المصاريف الي تنصرف بمليارات الريالات كل نسمع مشروع تصريف وين التصريف يالله وين الرقابه الي على المقاولين الشغله كلها نصب بنصب غير المخاطر الي الممكن الواحد يتعرض لها وهوا يمشي بالطرق بسبب الحفريات الارض الي انهشت ويش نقول الحال بجده ماساويه جدا وربي ياعالم وانا راجعه بيتي ثاني يوم بعد النكبه ناس مشرده سيارات بالطرق مرميه ناس بدون اكل او شرب والله حاله ماتسر احد الله يلطف فينا ويجازي الي كان السبب
لآ مو بآي بآي يآجده … بترجع زي اول واحسن
الحمدلله على سلآمتكم .. وان شآء الله الكل يتطمن على اهله
ويعوضنآ خير ..
ومآنقدر نقول غير حسبنآ الله ونعم الوكيل
يلا اهم شي سلااامـتـكـ يا الصهرر
الحمدلله على السلامة والله يجازي اللي كان السبب
أهم شيء في الدنيا سلامتك يا اخوي العزيز
واللله الحمد االله ع سلامة كل مواطن كان بين السيول او(فيضان)
تاني شي والله يا جامعه الحال الي نحن فيها الحمدالله وشكر بس شي الي يضايق انو اكتشفت بعد بيوم من هطول الامطار اخويا يقلي انو في المدرسه بيصلو صلاه الاستسقاء (هي رحمه من ربي انو نطلب منه نزول الامطار) ولكن ناس بتموت ناس بتهجر بيوتها ناس بتغرق ناس بحتتجز في اخر منطقه وبلادنا مالها صرف للامطار هذا حال اننا نصلي صلاه اسستسقاء ونكون سبب في موت نااس كثيرين وغرقرقو (انا ما اعارض صلاه استسقاء بس من جد انا احزن انو يموت انسان من طلب انا طلبتو من ربي هو رحمه بس انا عارفه انو بلدي مهي مهيئه ع صرف مياه او مهئه ع نزول امطار )
ثالث شي الدفاع المدني مهوو سريع في تنفيذ الانقاذ ومن جد كل واحد يعتمد ع نفسو وينقذ نااس من الموت وع شوارعنا ما نقول حسبي اللله ولا ادعي ع احد بس من جد كل واحد رح يحاسب في الاخر وكم روح مااتت بسبب اهماله و نصبو واحتياله في الدنيا ما علينا غير ندعو لربي انو يرحم مواتانا ويرحمنا من الغضب ويغفر ذنوبنا و ان نكون من الصالحين صايفين من الاحتيال و نصب وان يطهر بلدتنا مثل الاقوام المحتالين و المهملين في ارواح البشر
معليش نسيت اخبر الي سمعتو امس من قبل اقاربي الكبار انو في هطول امطار بعد 9 ايام من اليوم ورح تكون اضعاف الامطار الي نزلت علينا ف يالايام الي راحت ما اعرف اشاعه ولا بس حبيت ابلغ اذا كان صح ولا خذو احطياتاتكم يا جامعه
وشكرا
@lovesune.set @مجنونة جده @ماجد الحارثي @ahmad^حماده اخوك @ندا
تشرفت بمشاركتكم أحبتي..